महान्यूज मंत्रालय
महान्यूज मंत्रालय
माजी मुख्यमंत्री स्व. यशवंतराव चव्हाण यांना सभापती, अध्यक्ष, मुख्यमंत्र्यांनी वाहिली आदरांजली सोमवार, १२ मार्च, २०१८
मुंबई : माजी मुख्यमंत्री स्व. यशवंतराव चव्हाण यांच्या जयंतीनिमित्त विधानभवन परिसरातील त्यांच्या पुतळ्यास विधानपरिषदेचे सभापती रामराजे नाईक-निंबाळकर, विधानसभा अध्यक्ष हरिभाऊ बागडे आणि मुख्यमंत्री देवेंद्र फडणवीस यांनी पुष्पहार अर्पण करून अभिवादन केले.



याप्रसंगी विधानपरिषदेचे उप सभापती माणिकराव ठाकरे, विधानसभेचे विरोधी पक्ष नेते राधाकृष्ण विखे-पाटील, संसदीय कार्यमंत्री गिरीश बापट, शालेय शिक्षणमंत्री विनोद तावडे, जलसंपदामंत्री गिरीष महाजन याचबरोबर महाराष्ट्र विधिमंडळाच्या दोन्ही सभागृहांचे सन्माननीय सदस्य यांनीही स्व.यशवंतरावजी चव्हाण यांच्या पुतळ्यास पुष्पहार व गुलाबपुष्प अर्पण करुन अभिवादन केले. विधानमंडळ सचिवालयाचे प्रधान सचिव डॉ. अनंत कळसे, सह सचिव अशोक मोहिते, उपसचिव विलास आठवले, सभापतींचे सचिव मेहेंद्र काज, अध्यक्षाचे सचिव राजकुमार सागर, अवर सचिव रवींद्र जगदाळे, सुनील झोरे यांच्यासह इतर अधिकारी व कर्मचाऱ्यांनीही स्व. यशवंतराव चव्हाण यांच्या पुतळ्यास गुलाबपुष्प अर्पण करुन अभिवादन केले.
'महान्यूज' मधील मजकूर आपण 'महान्यूज'च्या उल्लेखासह पुनर्मुद्रित केल्यास आम्हाला आनंदच वाटेल.
Share बातमी छापा